Við störfum eftir Fear Free stefnunni

Heimsókn til dýralæknis á að vera ánægjuleg

Markmið okkar er einfalt: Að hver heimsókn á Dýralæknastofu Hafnarfjarðar sé góð upplifun – eitt skref í átt að betri heilsu og hamingjusamara lífi, án ótta.

Hvað þýðir að vera Fear Free dýralæknastofa?

Á Dýralæknastofu Hafnarfjarðar leggjum við ríka áherslu á að hver heimsókn sé eins streitulaus, örugg og jákvæð og hægt er, bæði fyrir dýr og eiganda. Við störfum eftir Fear free nálguninni, sem þýðir að við gerum allt sem í okkar valdi stendur til að draga úr hræðslu, kvíða og streitu hjá dýrunum sem koma til okkar.

Hvað felst í Fear Free nálguninni?

Atriði sem gera gæfumuninn

Hegðun og tjáning

Við lesum hegðun og merkjamál dýranna vandlega, og tökum tillit til þess í öllu sem við gerum.

Blíðleg nálgun

Við notum blíða nálgun við snertingu, skoðun og meðhöndlun.

Gómsætt nammi

Við notum hrós, nammi og leikföng til að skapa góða upplifun.

Hönnun rýmis

Við hönnuðum stofuna okkar út frá Fear free fræðunum, t.d. með tegundaskiptum biðstofum og skoðunarherbergjum og út frá litavali

Róandi umhverfi

Við notum róandi lyktarhormón og forðumst óþarfa hávaða, sterka lykt, sterka liti og snöggar hreyfingar sem geta valdið óöryggi.

Samvinna með eiganda

Við bjóðum eigendum að vera með og taka þátt í ferlinu, svo bæði dýr og eigendur upplifi traust og ró.

Hvernig lítur þetta út í raun?

Fyrir kisu

✳ Við höfum sérstakt biðsvæði fyrir ketti þar sem þeir sjá ekki hunda, og sér skoðunarherbergi sem er aðeins fyrir ketti.
✳ Við notum róandi ferómón og leyfum kisu að koma sjálf út úr búrinu þegar það er hægt.
✳ Ef kisa er mjög stressuð, gætum við boðið upp á kvíðastillandi lyf við komu.

Sjá nánar: Hvernig við tökum á móti köttum

Fyrir hundinn

✳ Stundum byrjar heimsóknin frammi. Starfsmaður hittir hann þar og gengur rólega með honum inn, með góðgæti í vasanum.
✳ Ef hundurinn sýnir merki um óöryggi, tökum við hlé, notum róandi raddir, leyfum honum að skoða herbergið.
✳ Ef hundurinn er mjög hræddur gætum við boðið upp á kvíðastillandi lyf fyrir komu.

Sjá nánar: Fear Free upplifun fyrir hunda

Fyrir okkur er þetta ekki einungis ákveðin vinnuaðferð, heldur hugsanaháttur sem liggur að baki öllu sem við gerum. Við trúum því að góð meðferð byggist á samkennd, þekkingu og virðingu fyrir dýrum. Þegar dýrið upplifir sig öruggt, gengur allt annað betur – bæði læknisfræðilega og tilfinningalega.

- Starfsfólk Dýrlæknastofu Hafnarfjarðar

Lesa nánar um vísindin og hugmyndafræðina að baki Fear Free →

Hver er ávinningurinn?

Fyrir gæludýrið

Dýrið lærir smám saman að dýralæknaheimsóknir eru ekki ógnvekjandi, heldur jafnvel eitthvað gott.

Það fær athygli, nammi og hrós. Þetta hefur beint áhrif á líðan þess, hjartslátt, hormóna og almennt öryggi.

Dýr sem upplifa minni kvíða við heimsókn fá oft nákvæmari greiningar, því líkaminn er ekki í varnarviðbragði.

Fyrir eigandann

Eigendur finna líka mikinn mun. Þeir þurfa ekki lengur að draga dýrið sitt inn á stofuna, upplifa minna stress sjálfir, og heimsóknir verða að jákvæðri samvinnu milli eiganda, dýrs og starfsfólks.

Við viljum að eigendur viti að við hlustum, útskýrum og tökum aldrei óþarfa áhættu eða ákvarðanir í flýti. Við vinnum alltaf út frá öryggi og trausti.

Heimsóknin

Svona fer þetta fram

Svona tryggjum við streitulausa heimsókn frá upphafi til enda.

Undirbúningur heima

Dýralæknaheimsóknin byrjar heima. Undirbúðu dýrið með jákvæðum hætti. Gefðu nammi og forðastu stress eða flýti. Ef þú átt kött, er gott að venja hann smám saman við búrið með því að tengja það við eitthvað gott nammi. Hafðu mjúkt og notalegt undirlag í búrinu. Ef dýrið er kvíðið, fylgdu ráðleggingum okkar um róandi aðgerðir eða lyf fyrir komu.

Koman á stofuna

Komdu tímanlega og reyndu að halda ró í kringum dýrið. Leyfðu dýrinu að skoða sig um á sínum hraða og láttu starfsfólk vita ef það er stressað. Við aðlögum móttökuna að þörfum dýrsins strax við komu. Hundar eru með sér biðstofu (til hægri þegar inn er komið) og kettir með sér biðstofu (fyrir aftan vegg við afgreiðsluborð). Kisum finnst gott að vera hátt uppi þegar þær eru óöruggar og við erum með stand fyrir kisubúr í biðstofunni.

Skoðunin

Dýralæknir skoðar dýrið þar sem því líður best – á gólfinu, uppi á borði, í fanginu eða í búrinu. Við notum mikið nammi (t.d. sleikimottur og Churu) til að dreifa athyglinni og tengja okkur við eitthvað gott. Allt fer fram á forsendum dýrsins.

Heimferðin

Ef dýrinu finnst erfitt að vera frammi, skaltu byrja á að fara með það út í bíl áður en þú gerir upp. Gefðu dýrinu tíma til að slaka á eftir heimsóknina og tengdu hana við eitthvað gott heima, eins og uppáhalds nammi, leik eða hvíld.

Fréttir og fræðsla

Allt um heilsu og umönnun dýra

Hér deilum við okkar bestu ráðum, nýjungum í dýralækningum og fræðslu um hvernig þú tryggir vellíðan og hamingju gæludýrsins þíns.

Almennt Fear Free Hundar Þjálfun

Af hverju notum við nammi í hundaþjálfun?

Nammi er mikið notað í hundaþjálfun – en af hverju? Sem hundaeigendur og hundaþjálfarar berum við ábyrgð á því að hundunum okkar líði vel og að þjálfunin skili árangri. Matur er ei

Berglind Guðbrandsdóttir

2 mínútur

→

Fear Free Hundar Þjálfun

Takk fyrir að urra

Sagan hans Rökkva: Rökkvi var farinn að urra á börn þegar hann var í göngutúr. Eigandi hans leitaði til hundaþjálfara sem notaðist við gamaldags aðferðir: að „leiðrétta“ Rökkva með